الرئيسية » أهم الأخبار » صعيدي علي حق

صعيدي علي حق

الراجل الصعيدي نزيه في كل أحواله فهو راجل بيهتم بمظهره وله طلعه نزيهة خاصة في الأفراح و المناسبات و الواجبات الأجتماعية فتلاقي الجلابية تمام و الدقن محلوقة و ريحة الكالونيا مهفهفة ,

وكذلك في التعامل فالراجل الصعيدي نزيه فى التعامل يعني ماينفعش تبقى قاعد معاه في قهوة و تحاسب أنت لأنه لو حصل ببيعتبرها شتيمة فى حقه !

كلمة الصعيدي عقد موثق فهو ملتزم بكل كلمة بيقولها و مايرجعش فيها حتى لو فيها ضرر له و بعنبر اللي بيرجع في كلامه مش راجل تمام و عشان كدا التعامل مع الصعايدة مريح جداً و كله ثقة ومافهوش قلق .

الراجل مش بس بكلمته .. الراجل برعايته لبيته وأسرته ” كلام الفنان أحمد ماهر بينطبق بالظبط على الراجل الصعيدي فالراجل الصعيد بيهتم بعيلته و صلة القرابة و الرحم من المقدسات عنده و مش بيخلى بيته ولا أولادة محتاجين حاجة حتى لو ضغط على نفسه .

الراجل الصعيدي قلبه ميت ويفوت في الحديد ومافيش حاجة على الأرض تخوفه بس ي نفس الوقت طيب وسمح و بتعامل مع كل الناس بحب لحد ما دماغه تقفل ساعتها بتشوف الوش التاني من الصعيدي

كرامة الراجل الصعيدي وعزة نفسه فوق آي أعتبار ومابيسمحش لحد أنه يدوس عليها وبيتحول في ثانية لشخص مش شايف قدامه و ممكن يعمل مصايب لو حد مس كرامته

وكذلك دمه حامي مش بيرضى بالحال المايل و المشي المش مظبوط عشان كدا أقصر الطرق للصعيدي هي أنك تعامله دغري .

أخوكم ومحبكم / الحاج. كمال عثمان مخلوف.

تعليقات الفيس بوك

تعليقات

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

الخطيب يحرر محضرا بعد سرقة منزله بالسادس من أكتوبر

حرر محمود الخطيب، رئيس النادى الأهلى، محضراً فى قسم شرطة 6 أكتوبر بعد سرقة منزله بمنطقة “حى الأشجار” فى السادس ...