الرئيسية » مقالات » قصيدة بعنوان “وحشتيني “

قصيدة بعنوان “وحشتيني “

عبدالرحمن الباقوري

مفيش انسان ملوش ماضي
مفيش راجل ملوش أخطاء
لكن دايماً في نقطة ضعف
ونقطة ضعفي هي انتي
وطول الوقت كنت بقول
انا مبقتش عاوز شيء سواكي انتي
بتكنس في الغلط بهدوء
وببقي في ضحكتك سكران
ومش عاوز لا انام ولا افوق
وكان فيه حل والله
وكان ممكن اكون بالوقت زوج صالح
مليش في المسئولية ساعات
ساعات طايش
لكن بالوقت كان ممكن اكون احسن!
تسامحيني في غلط فالت
وهحلفلك بإني هصلح العدلة التي مالت
بلاش تمثيل عشان أصلاً
صياعتي وفشلي من غيرهم
مكانش يجوز تحبيني

وحشتيني

في كل مكان في ذكرى معاكي متسابة
ايديا في ايدك الطفلة بعدي معاكي في الشارع
ملامحك وانتي بتسمعي فيروز
ليلك وانتي بتواجهيه بالقهوة
وحكاياتك على صحابك
فلانة بتكرهك جداً ..
فلانة قالتلي ماتشوفيهوش
كلام قولتيه وكان لازم
في وقت الجرح متقوليهوش
اكيد دلوقتي بتقولي
زمانه مولع الدنيا
بيغلط كل يوم عادي
خلاص فاكك بقا ومرتاح
وانا والله في قيودك
كطير من كتر ما اتقيد
طلعله جناح
انا في البعد متحاوط بطيف ريحتك
ولسه لحد هذا الوقت فاكر شكل تسريحتك
وتنهيدك
وشكل الساعة علي ايدك
طريقتك وانت بتغني
بعيد عنك حياتي عذاب
حياتك ايه بعيد عني
يا دنيا عرفتها فجأة
وارض لمستها بشويش
يا أطهر من رقم فلكي
في عداد اسمه أكل العيش
بتحكمي ليه على غيابي
وفي حضوري بتنسيني
رفضتي ان انتي تتسابي
وفجأة انتي اللي سيبتيني

تعليقات الفيس بوك

تعليقات

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

مبادرااااااات في الخير

بقلم – المستشار ناجح لاظ المحامي ظهرت منذ ايام قلائل مبادره من السياسيين ورجال الاعمال وكل من له طموح سياسي ...