أخبار عاجلة
الرئيسية » أهم الأخبار » مستشفي نجع حمادي اولي بهذه الملايين

مستشفي نجع حمادي اولي بهذه الملايين

بقلم – المستشار ناجح لاظ

نما الي علمي ان تجديد مبني البرنس يوسف كمال تكلف حوالي ٣١مليون جنيه مصري لاغير
والله دا حرام مش كان اولي انهاء مستشفي نجع حمادي والتي تقوم باستقبال مواطنين بسطاء واغنياء من كل انحاء الصعيد
من مركز نجع حمادي وقراها وايضا فرشوط ودشنا والوقف وابوتشت
بخلاف حالات الطوارئ للحوادث
يعني نحكم العقل ونصحي الضمير علشان الدنيا فانيه ومحدش بينفعه غير عمله الصالح وكل المظاهر الخداعه لا تغني ولاتثمن من جوع
انا سمعت من ناس كتير مسؤلين ومواطنين ان مستشفي نجع حمادي لم يتم الانتهاء منها بسب انها محتاجه فلوس كتير
وبالتالي انا كان نفسي ال٣١مليون اللي اتصرفوا في تجديد مبني البرنس يوسف كمال مع تحفظي ان المبلغ دل كبييييير جدا دا ترميم مش بناء جديد لكن دا مش موضوع البوست لانه توجد جهات رقابيه تحاسب المسؤليين في حاله وجود اختلاس او اهدار للمال العام
لكن
كان الافضل صرف هذه المبالغ اي كان قيمتها لانهاء مستشفي نجع حمادي والتي تعالج ملايين الغلابه
مش معني كدا
اني ضد ترميم هذا المبني الاثري والتاريخي
ولكن الاهم ثم المهم
نعالج المواطنيين البسطاء والغلابه ثم نرمم المباني
دا حوار بيني وبين نفسي لاني انسان وباشوف ناس كتير غير قادره علي تكاليف المستشفيات الخاصه
يارب الرساله تكون وصلت للناس علشان نصعد الموضوع للرئاسه لان المستشفي ليهم اكتر من ٥سنين بيبنوا فيها
وياعالم علي. وضعهم دا هتخلص امتي
العلاج اولا ثم ترميم قصر البرنس
الانسان اهم من الاحجار
ياريت اللي يقرأ البوست يتمعن فيه ويعمله مشاركه في الجروبات والاصدقاء علشان نوصل صوتنا لرئاسه الجمهوريه
تحيا مصر

تعليقات الفيس بوك

تعليقات

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بالصور … رئيس الإتحاد العام لنقابات عمال مصر ورئيس النقابة العامة للعاملين بالسكة الحديد والمترو يكرمان المتحدث الرسمي لمترو الانفاق ويعلنان دعمهما له في الإنتخابات البرلمانية المقبلة المراغي: الاتحاد العام يدعم أبنائه بكل قوة

كتب زياد العبيدي كرم النائب جبالي المراغي- رئيس الإتحاد العام لنقابات عمال مصر ورئيس لجنة القوى العاملة بمجلس النواب ، ...